Archives

मूल्य

एकदम सीधा सादा जीवन
जैसे सीधी रेल की पटरी।
पर,
सराहना तभी हुई
जब
एकदम सीधी लकीर दिखाई दी
उसके
कार्डियो ग्राम में!
©आरती परीख 8.१०.२०१८

Advertisements

ભાદરવી હાઈકુ


ઓરડે શીત(AC)
ધાબે બેઠું ચોમાસું
હ્રદયે ગ્રીષ્મ
~~~

ગામ હંફાવી
ભાદરવી તડકો
પીપળે હાંફે
~~~

ગલીગૂંચી ય’
ભાદરવી તડકે
પ્રસ્વેદે નાહ્ય
~~~

ભરબપોરે
વાદળો શું ગરજ્યા?!
સંતાયો સૂર્ય
~~~

તપ્ત ધરતી
કરચલી કંડારે
રણપ્રદેશે
~~~

શ્રાવણે નાહી
ઊના નિસાસા લેતો
ભાદ્ર મહિનો
~~~

ખાટલો ઢાળી
ભાદરવી રાતડી
તારલા ઓઢે
~~~

ભરબપોરે
આંગણું ને અગાસી
તડકે ન્હાય
~~~

ઘર ભાળી ગ્યા
ભાદરવી કિરણો
પ્રસ્વેદ છૂટે
©આરતી પરીખ ૪.૧૦.૨૦૧૮

મર્યાદા

નવરાત્રી નજીક આવી રહી છે.
ને ફરી,
વૉત્સેપ પર
“બહેન-દિકરીઓએ મર્યાદામાં રહેવું”
_ના મૅસેજ ફરતાં થઈ ગયા છે.

શું “મર્યાદા” સ્ત્રીઓએ જ જાળવવાની છે?

તો
“ના. હું આ વિચારધારા સાથે સહમત નથી.”

દિકરીને સારા સંસ્કાર આપો સાચા-ખોટા, સારું-ખરાબની સમજ આપો ને પોતાના માન મર્યાદા જાળવી પોતાનું રક્ષણ જાતે કરી શકે તેવી કેળવણી આપો.

સાથોસાથ.

દિકરો “રામરહીમ” ન બને તે માટે..
તેને પણ તેના સંસ્કાર, સંસ્કૃતિ અને મર્યાદાઓનું ભાન વખતોવખત કરાવતા રહો.
જરૂર પડે તો “મેથીપાક” આપવામાં “છોકરો છે…” ની માન્યતા જડમૂળથી ઉખાડીને ફેંકી દો.

આજના જમાનામાં દિકરો હોય કે દિકરી કોઈ પણ જાતનો ભેદ રાખ્યા વગર સારા સંસ્કાર ને જરૂરી મર્યાદાઓનું પાલન કરવાનું નાનપણથી જ શીખવવું જરૂરી છે.

માત્ર સ્ત્રીઓને જ મર્યાદામાં રહેતા શીખવવાના દિવસો ગયા.

સ્ત્રી હોય કે પુરુષ મર્યાદાઓ બંને પક્ષે જાળવવામાં આવશે તો જ સમાજ સુધાર આવશે.

અસ્તુ 🙏

©આરતી પરીખ

સ્મરણો

જીવનનો દરેકે દરેક વળાંક,
સ્મૃતિપટ પર કરે છે રહેણાક!
©આરતી પરીખ ૩૦.૯.૨૦૧૮

દિવ્ય મિલન

વર્ષો પછી
ફરી
આજે મળ્યા..
.
ને,
આંખોએ વાર્તાલાપ કર્યો..
.
.

“so when are we going out on a date ?”

“આજે રાત્રે જ..”

“Where…?”.

“કીકીએ બેસીને
પાંપણોની છાંવમાં
ઉરના ઉજાસે”
.
©આરતી પરીખ ૨૯.૯.૨૦૧૮

અંકુશ

ચાબુક મારી
ભટકાવી ઇન્દ્રિયો
લગામ શોધે
©આરતી પરીખ
~~~
શરીરમાં કોઈ રોગ થાય અને એની દરકાર ન કરીએ તો અસાધ્ય નીવડે.
તે જ પ્રમાણે, મનુષ્ય પ્રારંભમાં ઇન્દ્રિયનિગ્રહ(સંયમ) વિષે સાવચેત ન રહે અને તેમને સ્વેચ્છાપૂર્વક ભટકવા દે તો પાછળથી એમને કાબુમાં રાખવાનું ખૂબ મુશ્કેલ બની જાય છે.

અહંકાર

માથે ચડે જો
રૂપિયો કે આ રૂપ
કાતિલ નશો
ખાધી જો પછડાટ
અસ્તિત્વ ધૂળધાણી
© આરતી પરીખ