બાંકડો

ભીંજાય રહ્યા
હરિયાળી નિહાળી
હું ને બાંકડો
~~~
વહેંચી રહ્યા-
એકાંત એકલતા
હું ને બાંકડો
~~~
સમુદ્રતટ
હું બાંકડો ને રેતી
ચર્ચામાં લીન
~~~
ઝીલતો રહ્યો
પાનખર ડૂસકાં-
કાષ્ઠ બાંકડો
~~~
એકાગ્રતાથી
પ્રકૃતિનો ટહુકો
બાંકડે બેઠો
~~
સુક્કો છો’ રહ્યો
ભીની લાગણીઓનો
બાંકડો સાક્ષી
~~~
દિ’ આથમતાં
હું ને ખાલી બાંકડો
વાતે વળગ્યાં
~~~

નદી કિનારે
સુષ્ક – હું ને બાંકડો
વાતો કરીએ

©આરતી પરીખ

हठ/जिद्द

जिद्द पे अडे
राह में विध्न बडे
कभी न डगे
©आरती परीख ३१.७.२०१९

તડકો

તડકો વેધી
સુસવાટા મારતો
શીત વાયરો
~~~
ગામ હંફાવી
ભાદરવી તડકો
પીપળે હાંફે
~~~
ગલીગૂંચી ય’
ભાદરવી તડકે
પ્રસ્વેદે નાહ્ય
~~~
ભરબપોરે
આંગણું ને અગાસી
તડકે ન્હાય
~~~
તડકો રોપી
સૂરજ રથ હાંકે
ધરા ચળકે
~~~
ગોધુલી ટાણું
દિવાલ ઓળંગીને
તડકો નાસે
~~~
વંડી ઠેકીને
આંગણે આળોટતો
ચૈત્રી તડકો
~~~
પક્ષીની ચાંચે
શિશિરે કૂણો રે’તો-
તડકો ચીખે
~~~
તડકો રોપી
સૂરજે રથ હાંક્યો
ખીલી ધરતી
~~~
ધાબે તડકો
કોંક્રીટ રસ્તો, ખગ
વૃક્ષ શોધતો
©આરતી પરીખ