“દીકરી”

“દીકરી”

આંગણે આવી દિલમાં ટકોરાં કરે જરી,
‘દીકરી’ નામે આવી નાજુક નમણી પરી,

કદી લાગી નફિકરી, તો કદી એ અંતર્મુખી,
‘દીકરી’ નામે પરિવારને મળી પ્યારી સખી,

લો’ક છો’ને કહે, છે એ તો ‘પારકી થાપણ’
‘દીકરી’ નામે મળ્યું આખા કુટુંબનું ઢાંકણ,

પ્રભુતાના પગલે બંને પેઢીને ઉજાળશે; છે વિશ્વાસ,
‘દીકરી’ નામે મળી મીઠી અનુભૂતિ, મૌન અહેસાસ,

પથ્થર જેવાં પુરૂષની પણ ભીની થાય છે પાંપણ,
‘દીકરી’ જયારે આંગણે છોડી જાય એનું બાળપણ………..

……………………………………આરતી પરીખ(૧૮.૯.૨૦૧૩)