રાધા હારીને’ય છે રાજી ..!!

લાગણીનો ગંજીફો કીધો; જીવનની ખેલી છે બાજી,
વ્હાલપથી ખેલજો કાનજી; રાધા હારીને’ય છે રાજી.

મનના મુલકનો સુબો;
અકળ તારો મનસુબો,

અંતરથી ખેલજો કાનજી;રાધા હારીને’ય છે રાજી.

મથુરામાં પ્રગટે વ્હાલો;
ગોકુલ પધારે નંદલાલો,
ઉત્સવથી ખેલજો કાનજી; રાધા હારીને’ય છે રાજી.

ગોકુળની ગલીનો ગ્વાલ;
દ્વારિકા જઈ ભૂલે વ્હાલ,
વ્રજરજથી ખેલજો કાનજી; રાધા હારીને’ય છે રાજી.

જશોદા જુલાવે પાલનહાર;
લખ ચૌર્યાસી તારે જ દ્વાર,
અમીનજરે ખેલજો કાનજી; રાધા હારીને’ય છે રાજી.

……………………………….._આરતી (૩૦.૧૧.૨૦૧૧)