મારાં વિષે

મારો પરિચય

આરતી કિરીટકુમાર શાહ લગ્ન થતાં આરતી બિમલ પરીખ.

મારું મૂળ વતન રાજકોટ, લગ્ન બાદ વડોદરા અને મુંબઈ પછી હાલમાં ખોબર, સાઉદી અરેબિયામાં રહું છું.

સાઈન્સ ગ્રેજ્યુએટ છું.

વાંચવા, લખવાનો નાનપણથી જ શોખ. વાંચનને કૌટુંબિક વારસો પણ કહી શકું.

જનકલ્યાણ,અખંડ આનંદ, નવનીત સમર્પણ અને સમય જતાં ચિત્રલેખા અને રીડર્સ ડાયજેસ્ટ જેવાં મેગેઝીન વાંચી મોટાં થયાં છીએ. શાળાનાં અભ્યાસક્રમ દરમિયાન રામકૃષ્ણ આશ્રમ ખૂબ માનીતી જગ્યા. મારાં નાનાજીએ ઘરમાં જ મીની-લાઈબ્રેરી ઉભી કરી હતી. જ્યાં, પુનિત પ્રકાશનના દરેકે દરેક પુસ્તક વાંચવા મળી શકતાં.

પરંતુ, સમય જતાં કૌટુંબિક જવાબદારીઓમાં વાંચન-લેખન છૂટી ગયું. અહીં, સાઉદી અરેબિયા આવ્યાં બાદ વતનની યાદમાં કહો કે પછી પરિવારની જુદાઈનો ગમ, ફેસબુક અને ઇ-મેલ થકી બધાં સાથે જોડાઈ રહેવાની કોશિષમાં ફરી વાંચનની શરૂઆત થઇ અને સમય જતાં સાવ અજાણ્યાં મિત્રો (virtual friends)ની દિલથી મળતી દાદ થકી ફરી લેખન શરૂ કર્યું.

મારું ધારદાર લેખન મારી બહેન ખ્યાતિ શાહ અને મારાં ફેસબુક મિત્રોના સાથને આભારી છે. ૨૦૧૨માં ફેસબુક મિત્ર અમીત ભરવાડના આગ્રહથી ઓસ્ટ્રેલિયાના ‘સત્ય ટાઈમ્સ’માં ‘સંવેદનાનો સળવળાટ’ કોલમમાં લેખ/લઘુવાર્તા દ્વારા ફરી લેખનની શરૂઆત કરી. ૨૦૧૨માં જ મિત્ર રાજેશ પટેલના આગ્રહ અને સાથ સહકારથી જ “સંવેદનાનો સળવળાટ”  બ્લોગ અસ્તિત્વમાં આવ્યો.

4 me..
My Family is My World..
if U smile..
the NATURE ..the WORLD..
..will smile with U..
ALWAYS be HAPPY..
and
4 that U should…

ALWAYS THINK POSITIVE

ATTITUDE WORKS LIKE MAGIC !

~~~~~~~~~~~~~~~~~~~~~~~~~
હે ઈશ્વર,
આતમ પ્રકાશે સંધ્યા ખીલી ઘણું છે,
અંતિમ શ્વાસે તારું શરણું મળે ઘણું છે.
_આરતી

~~~~~~~~~~~~~~~~~~~~~~~~~~~~~~~

સંવેદનાના સળવળાટ

ને

શબ્દોથી

સાહજીકતાથી

સજાવી શકે,

લાગણીના લહેકા

ને

લલનાની લટથી

લિજ્જતથી લુંટી લે,

એ  જ

“લેખક/કવિ”.

                            _આરતી

~~~~~~~~~~~~~~~~~~~~~~~~~~~~~~~~~~~~~

છેટો રે’ તો સૌમ્ય,

અડકે તો આગ,

છે આ ‘આરતી’ !!

————————————-

તાળું તોડી કોઈ લૂંટે,
એટલી જિંદગી અમીર પણ નથી,
મૈત્રી ભાવો કદી ખૂંટે,
એટલી ‘આરતી’ ગરીબ પણ નથી!!

————————————-

વાત આ કદી ભલે કહેલી નથી,

જાતથી કદી તને ઠેલી નથી,

છોડવી મને? હવે સહેલી નથી,

‘આરતી’ ગણિતની પહેલી નથી. 

–———————————–

કદી કાગળ પર કવિતા ન લખું એ તો ચાલે,
પણ,
જીવનમાં પવિત્રતા ન રાખું એ નહિ જ ચાલે !!
~~

આરતી બિમલ પરીખ

20 Comments